Referantur

referantur ← referre

Verba allata

Clare velociterque intelligere multa simul et grandia, eademque tenaciter meminisse et ornate eloqui et artificiose scribere et pronuntiare suaviter, hec omnia nisi ad vitam referantur, quid sunt aliud quam inanis instrumenta iactantie inutilisque labor ac strepitus? —De remediis utriusque fortune Petrarcae ^[1]

Nam tuum Callisthenen, cui uni vir videris, quia latro es, scio, cur produci velis: ut coram his probra, quae in me modo iecisti, modo audisti, illius quoque ore referantur. —Historiae Alexandri Magni Curtii Rufi ^[2]

ne se mulier extra virtutum cogitationes extraque bellorum casus putet, ipsis incipientis matrimonii auspiciis admonetur venire se laborum periculorumque sociam, idem in pace, idem in proelio passuram ausuramque: hoc iuncti boves, hoc paratus equus, hoc data arma denuntiant. sic vivendum, sic pereundum: accipere se quae liberis inviolata ac digna reddat, quae nurus accipiant rursusque ad nepotes referantur. —De origine et situ Germanorum P. Cornelii Taciti ^[3]

perfecto enim et concluso neque virtutibus neque amicitiis usquam locum esse, si ad voluptatem omnia referantur, nihil praeterea est magnopere dicendum. —De finibus bonorum et malorum Ciceronis ^[4]

perspicuum est enim, nisi aequitas, fides, iustitia proficiscantur a natura, et si omnia haec ad utilitatem referantur, virum bonum non posse reperiri; deque his rebus satis multa in nostris de re publica libris sunt dicta a Laelio. —De finibus bonorum et malorum Ciceronis ^[5]

Sanguine ipsius hominis ex quacumque parte emisso efficacissime anginam inlini tradunt Orpheus et Archelaus, item ora comitiali morbo conlapsorum, exurgere enim protinus; quidam, si pollices pedum pungantur eaeque guttae referantur in faciem, aut si virgo dextro pollice attingat, hac coniectura censentes virgines carnes edendas. —Naturalis historia Plinii ^[6]

Sic ergo melius tibi noti ad hunc vexillorum numerum referantur, ita ut singuli eam obtineant sedem, quae pro eorum qualitate eisdem melius videbitur convenire. —Ars memoriae Iordani Bruni ^[7]

↑ ^1.0 ^1.1 Franciscus Petrarca (Italice: Francesco Petrarca) - De remediis utriusque fortune. (Universitas Turicensis): Liber I. 44 — putaretur
↑ ^2.0 ^2.1 Quintus Curtius Rufus - Historiae Alexandri Magni. (Bibliotheca Augustana), Liber VIII. Capitulum VIII, [19] — referantur
↑ ^3.0 ^3.1 Publius Cornelius Tacitus - Germania sive de origine et situ Germanorum. (Bibliotheca Augustana): 18 [4] — referantur
↑ Marcus Tullius Cicero - De finibus bonorum et malorum libri quinque. (The Latin Library): Liber quintus. 6 [15] — referantur
↑ ^5.0 ^5.1 Marcus Tullius Cicero - De finibus bonorum et malorum libri quinque. (The Latin Library): Liber secundus. 27 [85] — referantur
↑ ^6.0 ^6.1 Gaius Plinius Secundus, Naturalis historiae libri XXXVII. (Teubner, Lipsiae 1892-1909). Universitas Turicensis, Liber 28, cap. 10, [43] — referantur
↑ ^7.0 ^7.1 Iordanus Brunus Nolanus (Italice: Giordano Bruno) - Ars memoriae (Universitas Turicensis): Tertia pars. Caput IV. Secunda praxis quae terminorum simplicium est ad quamcumque compositionem de pluribus elementorum combinationibus praesentandam — referantur