Refero

E Vicititatione

referō

Verba allata

A

  • Ad haec dicta sermonis vicem refero: «Tibi quidem,» inquam «splendidissima et unica Thessaliae civitas, honorum talium parem gratiam memini, verum statuas et imagines dignioribus meique maioribus reservare suadeo.» —Metamorphoseon libri XI Apulei [1]
  • Adfatis itaque ex officio singulis narratisque meis propere et pristinis aerumnis et praesentibus gaudiis me rursum ad deae gratissimum mihi refero conspectum aedibusque conductis intra conseptum templi larem temporarium mihi constituo, deae ministeriis adhuc privatis adpositus contuberniisque sacerdotum individuus et numinis magni cultor inseparabilis. —Metamorphoseon libri XI Apulei [2]

H

  • His actis consternatus ac prorsus obstupidus ad balneas me refero prudentis condiscipuli valido consilio et nummis simul privatus et cena, lautusque ad hospitium Milonis ac dehinc cubiculum me reporto. —Metamorphoseon libri XI Apulei [3]

N

  • Nam, ut scis optime, secundum quaestum Macedoniam profectus, dum mense decimo ibidem attentus nummatior revortor, modico prius quam Larissam accederem, per transitum spectaculum obiturus in quadam avia et lacunosa convalli a vastissimis latronibus obsessus atque omnibus privatus tandem evado, et utpote ultime adfectus ad quandam cauponam Meroen, anum sed admodum scitulam, devorto, eique causas et peregrinationis diuturnae et domuitionis anxiae et spoliationis [diuturnae et dum] miserae refero; quae me nimis quam humane tractare adorta cenae gratae atque gratuitae ac mox urigine percita cubili suo adplicat. —Metamorphoseon libri XI Apulei [4]

P

  • Pisonis comites, cohors inanis
aptis sarcinulis et expeditis,
Verani optime tuque mi Fabulle,
quid rerum geritis? satisne cum isto
vappa frigoraque et famem tulistis?
ecquidnam in tabulis patet lucelli
expensum, ut mihi, qui meum secutus
praetorem refero datum lucello? —Carmina Catulli [5]

Vide etiam

Fontes

  1. Apuleius - Metamorphoseon libri XI. (Bibliotheca Augustana): Liber III. Capitulum XI. Versus 6 — refero
  2. Apuleius - Metamorphoseon libri XI. (Bibliotheca Augustana): Liber XI. Capitulum XIX. Versus 1 — refero
  3. Apuleius - Metamorphoseon libri XI. (Bibliotheca Augustana): Liber I. Capitulum XXV. Versus 6 — refero
  4. 4.0 4.1 Apuleius - Metamorphoseon libri XI. (Bibliotheca Augustana): Liber I. Capitulum VII. Versus 7 — refero
  5. 5.0 5.1 Gaius Valerius Catullus, Carmina. 28. ad Veranium et Fabullum, versus 8 — refero (Bibliotheca Augustana)