Aulus Cornelius Celsus
Aulus Cornelius Celsus (* ca. 25 a.C.n.; † ca. 50 p.C.n.) fuit auctor Romanus et encyclopaedicus speciatim de medicina.
Opera
[recencere]- Artes libri XXVII ++ (ca. 25-35 p.C.n ut opinor)
- De agricultura libri V (fragmenta sunt)
- De medicina libri VIII (supersunt)
- De rhetorica libri VII (fragmentum est)
- De philosophia libri VI (desunt)
- De re militari libri ? (desunt)
Verba allata
[recencere]- Constat ex circulis quibusdam, compositis ad imaginem earum vertebrarum, quae in spina sunt, ita tamen ut ex parte exteriore aspera, ex interiore stomachi modo levis sit; eaque descendens ad praecordia cum pulmone committitur. —De Medicina Celsi [1]
- His autem non caput tantum cottidie perfundendum est, sed os quoque multa frigida aqua fovendum est; praecipueque omnibus, quibus hoc utile auxilium est, eo utendum est, ubi gravius caelum austri reddiderunt. —De Medicina Celsi [2]
- Horum observationem medicinam esse; quam ita finiunt, ut quasi viam quandam quam μέθοδον nominant, eorumque, quae in morbis communia sunt, contemplatricem esse contendant. —De Medicina Celsi [3]
- In quibus explicandis non dubitabo auctoritate antiquorum virorum uti, maximeque Hippocratis, cum recentiores medici, quamvis quaedam in curationibus mutarint, tamen haec illos optime praesagisse fateantur. —De Medicina Celsi [4]
- Naturales vero corporis actiones appellant, per quas spiritum trahimus et emittimus, cibum potionemque et adsumimus et concoquimus, itemque per quas eadem haec in omnes membrorum partes digeruntur. —De Medicina Celsi [5]
- Omnem laborem facilius vel puer vel senex quam insuetus homo sustinet. —De Medicina Celsi [6]
Fontes
[recencere]- ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber quartus, 1. p. [3]
- ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber primus, 5. p. [1]
- ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber primus, prooemium. p. 30 [57]
- ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber secundus, praefatio.
- ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber primus, prooemium. p. 12 [19]
- ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber primus, 3. p. [2]