Ginza Rabba
Ginza Rabba scriptura sancta est.
Codex Nasaraeus
[recencere]Tom. I
[recencere]- Matthias Norberg. Codex Nasaraeus liber Adami appellatus, Syriace transscriptus. Tom. I. Londini Gothorum MDCCCXV. Literis Berlingianis.
- Mi Domine celebrande. In nomine Vitae summae, novissimae creaturarum lucis, excellentissimae, supremae omnium operum.
- P. 3
- Venerandus casta mente es, mi Domine, qui dominus omnium es creaturarum. Adorandus flexis genibus, ore celebrandus magnopere, animoque et in perpetuum colendus est Deus maximus et supremus. Dignus est honore Rex summus lucis, Deus vertiatis, potestatisque amplissimae et infinitae. Splendor ille purus, lux magna, nec unquam languescens. Qui et idem clemens, conservator omnium bonorum, magnificus, sapiens, sciens, videns, discernens, rei omni imperans, dominus omnium creaturarum lucis, superiorum, mediarum et inferiorum. Vultus suus serenissimus spectari et definiri nequit: quomodo nec sui similem sua corona, aut sui aequalem sua potentia habet.
- P. 3
Tom. II
[recencere]- Matthias Norberg. Codex Nasaraeus liber Adami appellatus, Syriace transscriptus. Tom. II. Londini Gothorum MDCCCXVI. Literis Berlingianis.
- In nomine Vitae, summae. Praecepta haec Johannis baptistae.
- Cum legens ille Jordanum aquae vivae baptismum vivum perageret, nomenque Vitae invocaret, contendit Nuntius Vita ad Johannem baptistam, & ei dixit: surge, Johannes, baptiza me baptismo, quo baptizas, nomenqne, quod praedicas, super me pronuntia.
- Respondit Nuntio Vitae Johannes: esuriens meus venter cupit edere, sitiens meum corpus cupit bibere. Legumina colligo. Requiem ut oculis immittam, circumspicio. Gravis mihi animus. Prima luce, si veneris, te baptizabo.
- Surrexit tum Nuntius vitae, &, oculis in locum omnis splendoris, locum principem omnis lucis sublatis, preces animi magni, non parvi, fudit, dicens: peto a vobis, Vita Prima, Vita Secunda, & Vita Tertia, a Jufin & Jufafin, a Sam Mano Semiro, a Vite omnis vitae, & arbore, omnis salutis domina, ab Usar Haj & Fetah Haj, aperientibus arcana vitae, serentibusque plantas lucis, peto a vobis precibus animi magni, non parvi.
- P. 17, 19
Tom. III
[recencere]- Matthias Norberg. Codex Nasaraeus liber Adami appellatus, Syriace transscriptus. Tom. III. Londini Gothorum MDCCCXVI. Literis Berlingianis.
- In nomine Vitae summae.
- Lux praeclara.
- Aeon sum Vitae summae,
- Aeon sum Vitae maximae,
- Aeon sum Vitae summae.
- In tellure quis me collocavit,
- quis me collocavit in tellure?
- In truncum corporeum quis me misit,
- quis me misit in truncum corporeum,
- cui manus pedesque desunt,
- cui desunt manus pedesque.
- P. 193