Cuniculus

E Vicititatione

cunīculus

Verba allata

C

  • Cuniculus delectis militibus eo tempore plenus in aedem Iunonis, quae in Veientana arce erat, armatos repente edidit, et pars aversos in muris invadunt hostes, pars claustra portarum revellunt, pars cum ex tectis saxa tegulaeque a mulieribus ac servitiis iacerentur, inferunt ignes. —Ab urbe condita Titi Livii [1]

G

  • Gaudet in effossis habitare cuniculus antris.
Monstravit tacitas hostibus ille vias. —Xenia M. Valerii Martialis [2]

M

  • Mihi plus visum est; sed praestabo sumptum nusquam melius posse poni. Cillonem arcessieram Venafro, sed eo ipso, die quattuor eius conservos et discipulos Venafri cuniculus oppresserat. —Epistolae ad Quintum Ciceronis [3]

O

  • Operum fuit omnium longe maximum ac laboriosissimum cuniculus in arcem hostium agi coeptus. Quod ne intermitteretur opus neu sub terra continuus labor eosdem conficeret, in partes sex munitorum numerum divisit; senae horae in orbem operi attributae sunt; nocte ac die nunquam ante omissum quam in arcem viam facerent. —Ab urbe condita Titi Livii [4]

P

  • Perpetuus cuniculus iter praebet in campos ignotum nisi indigenis. At Alexander, quamquam angustias naturali situ munitas ac valida manu barbari tuebantur, tamen arietibus admotis munimenta, quae manu adiuncta erant, concussit fundisque et sagittis propugnantium plerosque deiecit. Quos ubi dispersos fugavit, ruinas munimentorum supergressus ad petram admovit exercitum. —Historiae Alexandri Magni Curtii Rufi [5]

S

  • Secundo sicut in rebus naturalibus unaquaeque species est determinata ad maximum et minimum, siquidem oleaster nunquam ad molem olivae exurgit, cuniculus ad molem bovis, elephas ad montis magnitudinem, sed unaquaeque ex ipsis habet certam metam infra quam non extenuatur, et certam ultra quam non augetur; si ita est in totis, nimirum eodem pacto opus est esse in partibus, utpote si caput animalis non est quantumcunque, neque eius cerebrum, nasus et oculus non erit quantumcunque, ita vena, arteria, os et similia non erunt quantumcunque. —Libri physicorum Aristotelis explanati Iordani Bruni [6]

Vide etiam

Fontes

  1. Titus Livius - Ab urbe condita - libri CXLII. (The Latin Library): Liber V, caput 21, 10 — cuniculus
  2. 2.0 2.1 Marcus Valerius Martialis - Epigrammata. (Universitas Turicensis): Liber Xenia. 13 Cuniculi, versus LX — cunniculus
  3. 3.0 3.1 Marcus Tullius Cicero - Epistolae ad Quintum fratrem. (The Latin Library): Liber tertius. Ep. 1 [3] — cuniculus
  4. 4.0 4.1 Titus Livius - Ab urbe condita - libri CXLII. (The Latin Library): Liber V, caput 19, 10 — cuniculus
  5. 5.0 5.1 Quintus Curtius Rufus - Historiae Alexandri Magni. (Bibliotheca Augustana), Liber VIII. Capitulum II, p. 22 — cuniculus
  6. 6.0 6.1 Iordanus Brunus Nolanus (Italice: Giordano Bruno) - Libri physicorum Aristotelis explanati (Universitas Turicensis): Liber I. Caput : Particulariter argumentatur contra Anaxagoram.  — cuniculus