Puellas

E Vicititatione
Jump to navigation Jump to search

puellāspuella

Verba allata

A

  • Afficior dolore, nec tamen supra modum doleo: ita mihi luctuosum videtur, quod puellas honestissimas in flore primo fecunditas abstulit. Angor infantium sorte, quae sunt parentibus statim et dum nascuntur orbatae, angor optimorum maritorum, angor etiam meo nomine. —Epistulae Plini minoris [1]
  • Arrigis ad vetulas, fastidis, Basse, puellas,
Nec formosa tibi, sed moritura placet.
Hic, rogo, non furor est, non haec est mentula demens?
Cum possis Hecaben, non potes Andromachen! —Epigrammata M. Valerii Martialis [2]
  • Avorum proavorumque similes fieri, quia sicut in terra multa semina occulta, sic et in nobis semina celantur figuras parentum redditura. Ex paterno autem semine puellas nasci et ex materno pueros, quia omnis partus constat duplici semine, cuius pars maior cum invaluit occupat similitudinem sexus. —Etymologiarum libri XX Isidori Hispalensis [3]

C

  • Candidus insuetum miratur limen Olympi
sub pedibus videt nubes et sidera Daphnis.
ergo alacris silvas et cetera rura voluptas
Panaque pastoresque tenet Dryadasque puellas.
nec lupus insidias pecori nec retia cervis
ulla dolum meditantur: amat bonus otia Daphnis. —Eclogae vel bucolica P. Vergilii Maronis [4]
  • caprinum fimum inquietos infantes adalligatum panno cohibet, maxime puellas. lacte caprino aut cerebro leporum perunctae gingivae faciles dentitiones faciunt. —Naturalis historia Plinii [5]

D

  • Dicis amore tui bellas ardere puellas,
Qui faciem sub aqua, Sexte, natantis habes. —Epigrammata M. Valerii Martialis [6]

E

  • est quoque carminibus meritas celebrare puellas
dos mea; quam volui, nota fit arte mea.
scindentur vestes, gemmae frangentur et aurum;
carmina quam tribuent, fama perennis erit.
nec dare, sed pretium posci dedignor et odi;
quod nego poscenti, desine velle, dabo! —Amores Ovidii Nasonis [7]
  • Et nunc magnopere censere, ut unam anum et duas puellas, itinerum agminumque inpedimenta, XXX milibus talentum auri permutaret. Opimum regnum occupare posse condicione, non bello, nec quemquam alium inter Histrum et Euphraten possedisse terras ingentiore spatio intervalloque discretas. —Historiae Alexandri Magni Curtii Rufi [8]
  • Et philosophus, hoc videns, cum omni diligentia hoc consideravit, et intellexit quod unicornus per puellas capi posset, et a tergo ad illud accedens, et ipsum per easdem puellas cepit. —Subtilitates diversarum naturarum creaturum Hildegardis [9]
  • et, siquis studio scribendi mitior ibit,
comica componet laetis spectacula ludis,
ardentis iuvenes raptasque in amore puellas
elusosque senes agilisque per omnia servos,
quis in cuncta suam produxit saecula vitam
doctior urbe sua linguae sub flore Menander,
qui vitae ostendit vitam chartisque sacravit. —Astronomicon M. Manilii [10]

H

  • Heu heu divitibus video gaudere puellas:
Iam veniant praedae, si Venus optat opes,
Ut mea luxuria Nemesis fluat utque per urbem
Incedat donis conspicienda meis. —Elegiarum libri II Tibulli [11]

I

  • Illic indocto primum se exercuit arcu:
Ei mihi, quam doctas nunc habet ille manus!
Nec pecudes, velut ante, petit: fixisse puellas
Gestit et audaces perdomuisse viros. —Elegiarum libri II Tibulli [12]
  • incipe, Calliope. licet et considere: non est
cantandum, res vera agitur. narrate, puellae
Pierides, prosit mihi vos dixisse puellas. —Saturae D. Iuni Iuvenalis [13]
  • Infelix, modo crinibus nitebas
Phoebo pulchrior et sorore Phoebi.
At nunc levior aere vel rotundo
horti tubere, quod creavit unda,
ridentes fugis et times puellas.
Ut mortem citius venire credas,
scito iam capitis perisse partem. —Satyricon T. Petronii Arbitri [14]
  • Interim cum esset inter nos de aquae potestate et eius virtutibus sermo, exposuit esse in ea terra eiusmodi fontes, ut, qui ibi procrearentur, voces ad cantandum egregias haberent, ideoque semper transmarinos catlastros emere formosos et puellas maturas eosque coniungere, ut, qui nascerentur ex his, non solum voce egregia sed etiam forma essent non invenusta. —De architectura Vitruvii [15]

M

  • Marmora parva quidem, sed non cessura, viator,
Mausoli saxis pyramidumque legis.
Bis mea Romano spectata est vita Tarento,
Et nihil extremos perdidit ante rogos:
Quinque dedit pueros, totidem mihi Iuno puellas,
Cluserunt omnes lumina nostra manus.
Contigit et thalami mihi gloria rara fuitque
Una pudicitiae mentula nota meae. —Epigrammata M. Valerii Martialis [16]
  • Montium custos nemorumque, virgo,
quae laborantis utero puellas
ter vocata audis adimisque leto,
diva triformis,
imminens villae tua pinus esto,
quam per exactos ego laetus annos
verris obliquom meditantis ictum
sanguine donem. —Carminum libri IV Q. Horatii Flacci [17]
  • mox lenone suas iam dimittente puellas
tristis abit, et quod potuit tamen ultima cellam
clausit, adhuc ardens rigidae tentigine volvae,
et lassata viris necdum satiata recessit,
obscurisque genis turpis fumoque lucernae
foeda lupanaris tulit ad pulvinar odorem. —Saturae D. Iuni Iuvenalis [18]

O

  • O cui Tarpeias licuit contingere quercus
Et meritas prima cingere fronde comas,
Si sapis, utaris totis, Colline, diebus
Extremumque tibi semper adesse putes.
Lanificas nulli tres exorare puellas
Contigit: observant quem statuere diem. —Epigrammata M. Valerii Martialis [19]

P

  • Pedicat pueros tribas Philaenis
Et tentigine saevior mariti
Undenas dolat in die puellas. —Epigrammata M. Valerii Martialis [20]
  • Plinium arguit ratio temporum. nam qui res Augusti memoriae mandarunt, Germanicum exacto consulatu in Galliam missum consentiunt iam nato Gaio. nec Plini opinionem inscriptio arae quicquam adiuverit, cum Agrippina bis in ea regione filias enixa sit, et qualiscumque partus sine ullo sexus discrimine puerperium vocetur, quod antiqui etiam puellas pueras, sicut et pueros puellos dictitarent. —De vita Caesarum C. Suetoni Tranquilli [21]
  • Post haec omnia cum libidinatur,
Non fellat - putat hoc parum virile -,
Sed plane medias vorat puellas.
Di mentem tibi dent tuam, Philaeni,
Cunnum lingere quae putas virile. —Epigrammata M. Valerii Martialis [22]
  • Primum omnium id visum esse dicebant Probo, quod aput Homerum quidem virgo Nausicaa ludibunda inter familiares puellas in locis solis recte atque commode confertur cum Diana venante in iugis montium inter agrestes deas, nequaquam autem conveniens Vergilium fecisse, quoniam Dido in urbe media ingrediens inter Tyrios principes cultu atque incessu serio, ‘instans operi’, sicut ipse ait, ‘regnisque futuris’, nihil eius similitudinis capere possit, quae lusibus atque venatibus Dianae congruat; —Noctes Atticae A. Gellii [23]

Q

  • Quae nunc divitibus gens acceptissima nostris
et quos praecipue fugiam, properabo fateri,
nec pudor obstabit. non possum ferre, Quirites,
Graecam urbem. quamvis quota portio faecis Achaei?
iam pridem Syrus in Tiberim defluxit Orontes
et linguam et mores et cum tibicine chordas
obliquas nec non gentilia tympana secum
vexit et ad circum iussas prostare puellas.
ite, quibus grata est picta lupa barbara mitra.
rusticus ille tuus sumit trechedipna, Quirine,
et ceromatico fert niceteria collo. —Saturae D. Iuni Iuvenalis [24]
  • Quaedam nobilis et pulchra domina cubiculum ex auro ornatum habuit, quae frequenter duas puellas elegantes vultus habentes secum habitare elegit. Multae autem turbae dominam hanc videntes, faciem eius laudaverunt, ac cum illa habitare voluerunt. —Epistolae Hildegardis [25]
  • Quid, si ad vestros animum memoriamque reflexeris, invenies in hoc numero pueros etiam ac puellas tulisse cum gaudio, quod vos viri sine fletu et questibus non ferretis. —De remediis utriusque fortune Petrarcae [26]
  • Quid vellis vetulum, Ligeia, cunnum?
Quid busti cineres tui lacessis?
Tales munditiae decent puellas
- Nam tu iam nec anus potes videri -;
Istud, crede mihi, Ligeia, belle
Non mater facit Hectoris, sed uxor.
Erras, si tibi cunnus hic videtur,
Ad quem mentula pertinere desit.
Quare si pudor est, Ligeia, noli
Barbam vellere mortuo leoni. —Epigrammata M. Valerii Martialis [27]
  • Quidni? cui saepius in angorem mei paelicatus puellas propinare consuesti. Sed iam faxo te lusus huius paeniteat et sentias acidas et amaras istas nuptias. —Metamorphoseon libri XI Apulei [28]
  • Quod nutantia fronte perticata
Gestat pondera Masclion superbus,
Aut grandis Ninus omnibus lacertis
Septem quod pueros levat vel octo,
Res non difficilis mihi videtur,
Uno cum digito vel hoc vel illo
Portet Stella meus decem puellas. —Epigrammata M. Valerii Martialis [29]

S

  • Saepe et nolentem cogat nolitque volentem,
Liberior domino saepe sit ille suo;
Et timeat pueros, excludat saepe puellas:
Vir reliquis, uni sit puer ille mihi.
‘Iam scio, nec fallis: nam me quoque iudice verum est.
Talis erat’ dices ‘noster Amazonicus.’ —Epigrammata M. Valerii Martialis [30]
  • Spendophoros Libycas domini petit armiger urbis:
Quae puero dones tela, Cupido, para,
Illa quibus iuvenes figis mollesque puellas:
Sit tamen in tenera levis et hasta manu. —Epigrammata M. Valerii Martialis [31]
  • Sunt chartae mihi, quas Catonis uxor
Et quas horribiles legant Sabinae:
Hic totus volo rideat libellus
Et sit nequior omnibus libellis.
Qui vino madeat nec erubescat
Pingui sordidus esse Cosmiano,
Ludat cum pueris, amet puellas,
Nec per circuitus loquatur illam,
Ex qua nascimur, omnium parentem,
Quam sanctus Numa mentulam vocabat.
Versus hos tamen esse tu memento
Saturnalicios, Apollinaris:
Mores non habet hic meos libellus. —Epigrammata M. Valerii Martialis [32]

T

  • tu potes tigris comitesque silvas
ducere et rivos celeres morari;
cessit immanis tibi blandienti
ianitor aulae;
Cerberus, quamvis furiale centum
muniant angues caput eius atque
spiritus taeter saniesque manet
ore trilingui;
quin et Ixion Tityosque voltu
risit invito; stetit urna paulum
sicca, dum grato Danai puellas
carmine mulces. —Carminum libri IV Q. Horatii Flacci [33]

U

  • ‹Utile consilium modo, sed commune, dedisti.
nunc mihi quid suades post damnum temporis et spes
deceptas? festinat enim decurrere velox
flosculus angustae miseraeque brevissima vitae
portio; dum bibimus, dum serta, unguenta, puellas
poscimus, obrepit non intellecta senectus.› —Saturae D. Iuni Iuvenalis [34]

Vide etiam

Fontes

  1. 1.0 1.1 Gaius Plinius Caecilius Secundus - Epistularum libri decem. (Bibliotheca Augustana): Liber quartus, Epistula 21, [2] — puellas
  2. Marcus Valerius Martialis - Epigrammata. (Bibliotheca Augustana): Liber tertius. LXXVI, versus 1 — puellas
  3. 3.0 3.1 Isidorus Hispalensis - Etymologiarum libri XX. (Bibliotheca Augustana):  Liber XI. Caput I. [145] — puellas
  4. 4.0 4.1 Publius Vergilius Maro - Eclogae vel bucolica. (Bibliotheca Augustana): Ecloga secunda. Menalcas, Mopsus. Versus 135  — puellas
  5. 5.0 5.1 Gaius Plinius Secundus, Naturalis historiae libri XXXVII. (Teubner, Lipsiae 1892-1909). Universitas Turicensis, Liber 28, cap. 78, [259] — puellas
  6. 6.0 6.1 Marcus Valerius Martialis - Epigrammata. (Bibliotheca Augustana): Liber secundus. LXXXVII, versus 1 — puellas
  7. 7.0 7.1 Publius Ovidius Naso - Amores (versio II, ca. 5). (Bibliotheca Augustana): Liber primus, 10, versus 59 — puellas
  8. 8.0 8.1 Quintus Curtius Rufus - Historiae Alexandri Magni. (Bibliotheca Augustana), Liber IV. Capitulum XI, p. 12 — puellas
  9. 9.0 9.1 Hildegardis Bingensis - Subtilitates diversarum naturarum creaturum. (Universitas Turicensis), Liber septimus. Cap. V. - De unicorni. — puellas
  10. 10.0 10.1 Marcus Manilius - Astronomicon libri quinque. (Bibliotheca Augustana): Liber quintus, versus 472 — puellas
  11. Albius Tibullus - Elegiarum libri II. (Bibliotheca Augustana): Liber II. Caput III. Versus 53 — puellas
  12. 12.0 12.1 Albius Tibullus - Elegiarum libri II. (Bibliotheca Augustana): Liber II. Caput I. Versus 71 — puellas
  13. Decimus Iunius Iuvenalis, Saturae. (Ed. brevique adnotatione critica instr. W. V. Clausen, Oxford 1959). Satura IV, versus 36 — puellas
  14. 14.0 14.1 T. Petronius Arbiter, Satyricon - quae supersunt (apud Guilielmum Vande Water, Trajecti ad Rhenum MDCCIX). Cap. CIX. — puellas
  15. 15.0 15.1 De architectura libri decem Vitruvii, (F. Krohn, Lipsiae 1912). Liber octavus, 3. p. 25 — puellas
  16. Marcus Valerius Martialis - Epigrammata. (Bibliotheca Augustana): Liber decimus. LXIII, versus 5 — puellas
  17. Quintus Horatius Flaccus - Carminum libri IV. (Bibliotheca Augustana): Liber III. Carmen XXII. Versus 2  — puellas
  18. Decimus Iunius Iuvenalis, Saturae. (Ed. brevique adnotatione critica instr. W. V. Clausen, Oxford 1959). Satura VI, versus 127 — puellas
  19. Marcus Valerius Martialis - Epigrammata. (Bibliotheca Augustana): Liber quartus. LIV, versus 5 — puellas
  20. Marcus Valerius Martialis - Epigrammata. (Bibliotheca Augustana): Liber septimus. LXVII, versus 3 — puellas
  21. 21.0 21.1 Gaius Suetonius Tranquillus - De vita Caesarum libri VIII. (Bibliotheca Augustana): Liber quartus. C. Calligula. VIII. [3] — puellas
  22. Marcus Valerius Martialis - Epigrammata. (Bibliotheca Augustana): Liber septimus. LXVII, versus 15 — puellas
  23. 23.0 23.1 Aulus Gellius, Noctes Atticae libri viginti. (Peter K. Marshall, Oxonii MCMLXVIII). Liber nonus. Capitulum IV, [14] — puellas
  24. 24.0 24.1 Decimus Iunius Iuvenalis, Saturae. (Ed. brevique adnotatione critica instr. W. V. Clausen, Oxford 1959). Satura III, versus 65 — puellas
  25. Hildegardis Bingensis - Epistolae. (Universitas Turicensis) Responsum Hildegardis — puellas
  26. 26.0 26.1 Franciscus Petrarca (Italice: Francesco Petrarca) - De remediis utriusque fortune. (Universitas Turicensis): Liber II. 114: De totius corporis dolore ac languore vario — puellas
  27. Marcus Valerius Martialis - Epigrammata. (Bibliotheca Augustana): Liber decimus. XC, versus 3 — puellas
  28. 28.0 28.1 Apuleius - Metamorphoseon libri XI. (Bibliotheca Augustana): Liber V. Capitulum XXX. Versus 2 — puellas
  29. Marcus Valerius Martialis - Epigrammata. (Bibliotheca Augustana): Liber quintus. XII, versus 7 — puellas
  30. Marcus Valerius Martialis - Epigrammata. (Bibliotheca Augustana): Liber quartus. XLII, versus 13 — puellas
  31. Marcus Valerius Martialis - Epigrammata. (Bibliotheca Augustana): Liber nonus. LVI, versus 3 — puellas
  32. Marcus Valerius Martialis - Epigrammata. (Bibliotheca Augustana): Liber undecimus. XV, versus 7 — puellas
  33. 33.0 33.1 Quintus Horatius Flaccus - Carminum libri IV. (Bibliotheca Augustana): Liber III. Carmen XI. Versus 23  — puellas
  34. Decimus Iunius Iuvenalis, Saturae. (Ed. brevique adnotatione critica instr. W. V. Clausen, Oxford 1959). Satura IX, versus 128 — puellas