Sidere

sīdere ← sīdus

Verba allata[recencere]

Hesperus, adveniet fausto cum sidere coniunx,

quae tibi flexanimo mentem perfundat amore

languidulosque paret tecum coniungere somnos

levia substernens robusto bracchia collo.

currite ducentes subtegmina, currite, fusi. —Carmina Catulli ^[1]

Evidentissimum id fuit, quod quacumque equo invectus est, ibi haud secus quam pestifero sidere icti pavebant; ubi vero corruit obrutus telis, inde iam haud dubie consternatae cohortes Latinorum fugam ac vastitatem late fecerunt. —Ab urbe condita Titi Livii ^[2]

et Librae partus et quos dat Virginis astrum

quique sub aversi numerantur sidere Tauri.

Lanigeri communis erit rabidique Leonis

hostis, et a totidem bellum subscribitur astris.

Erigone Cancrumque timet geminique sub arcu

Centauri et Pisces et te, Capricorne, rigentem.

maxima turba petit Libram, Capricornus et illi

adversus Cancer, Iuvenis quod utrimque quadratum est,

quaeque in Lanigeri numerantur signa trigonum.

Scorpios in totidem fecundus creditur hostes;

aequoreum iuvenem, Geminos, Taurum atque Leonem,

Erigonen Libramque fugit metuendus et ipse,

quique Sagittari veniunt de sidere partus. —Astronomicon M. Manilii ^[3]

Nuper ventosa istaec et enormis loquacitas Athenas ex Asia commigravit animosque iuvenum ad magna surgentes veluti pestilenti quodam sidere afflavit, semelque corrupta regula eloquentia stetit et obmutuit. —Satyricon T. Petronii Arbitri ^[4]

parva, sed inriguis ora salubris aquis.

sol licet admoto tellurem sidere findat,

et micet Icarii stella proterva canis,

arva pererrantur Paeligna liquentibus undis,

et viret in tenero fertilis herba solo.

terra ferax Cereris multoque feracior uvis;

dat quoque baciferam Pallada rarus ager;

perque resurgentes rivis labentibus herbas

gramineus madidam caespes obumbrat humum. —Amores Ovidii Nasonis ^[5]

↑ ^1.0 ^1.1 Gaius Valerius Catullus, Carmina. 64. Carmina longiora, versus 330 — sidere (Bibliotheca Augustana)
↑ ^2.0 ^2.1 Titus Livius - Ab urbe condita - libri CXLII. (Universitas Turicensis): Liber VIII, caput 9, [12] — sidere
↑ ^3.0 ^3.1 Marcus Manilius - Astronomicon libri quinque. (Bibliotheca Augustana): Liber secundus, versus 549 — sidere
↑ ^4.0 ^4.1 T. Petronius Arbiter, Satyricon - quae supersunt (apud Guilielmum Vande Water, Trajecti ad Rhenum MDCCIX). Cap. II. — sidere
↑ ^5.0 ^5.1 Publius Ovidius Naso - Amores (versio II, ca. 5). (Bibliotheca Augustana): Liber secundus, 16, versus 3 — sidere