Jump to content

Solvuntur

Nexus addere
E Vicititatione

solvuntur ← solvere

Verba allata

C

  • Cirsion cauliculus est tener II cubitorum, triangulo similis, foliis spinosis circumdatus. spinae molles sunt; folia bovis linguae similia, minora, subcandida, in cacumine capitula purpurea, quae solvuntur in lanugines. —Naturalis historia Plinii [1]

D

  • Dolor: Amisi amicum.
Ratio: Si ut debes, in amico virtutem amasti, illa certe non perditur, nec moritur. Ideo veras amicitias immortales dicunt, quod nullo unquam dissidio amicorum, nec ipsa demum morte solvuntur. Sic discordiam vitiumque omne vincit virtus, ipsa vero nulla re vincitur. —De remediis utriusque fortune Petrarcae [2]

E

  • Ea quae concrescunt, sunt aut aqua aut mixta e terra et aqua; et haec aut frigido aut calido sicco, quae eadem a contrariis causis solvuntur seu liquefiunt. Concreta enim a calido liquefiunt a frigido; quae enim a calido sicco sunt inspissata sicca, ab aqua solvuntur, ut sal; quae vero a frigido concreverunt, ut glacies, ab igne solvuntur. Illa quae sunt aquae, non concrescunt ab igne, sed solvuntur ab igne. —Libri physicorum Aristotelis explanati Iordani Bruni [3]
  • Eiusdem morbi nota est, ubi circa umbilicum intestina torquentur (στρόφους Graeci nominant), coxaeque dolores manent, eaque neque tempore neque remediis solvuntur. —De Medicina Celsi [4]
  • Ergo ubi aliquis ingredi ac moveri coepit, rumpitur illa sutura, atque intestina solvuntur; quo fit, ut pereundum homini sit. —De Medicina Celsi [5]
  • Et qui duram husten habet, cum farina semilae et reynfanen suffen paret, et saepe comedat, et ita ariditas et interiora ulcera illius husten solvuntur, hoc modo quod homo ille sordes habens illas excreando eicit, et melius habebit. —Subtilitates diversarum naturarum creaturum Hildegardis [6]
  • Et qui nasebosz valde habet, jaspidem ad os ponat, et calido spiramine suo eum inspiret, et calidus et humidus fiat, et ita eum in foramina narium figat, et nares manu comprimat, ut calor ejus in caput intret, et humores capitis tanto citius et lenius solvuntur, et melius habebit. —Subtilitates diversarum naturarum creaturum Hildegardis [7]

F

  • Fasciolarum nexibus infantes liberandos aliqui quadragesima die dixerunt, alii sexagesima, alii ultra supradictos dies spatia tetenderunt, nec sine numero posuerunt. nos vero utilem diximus esse moram donec infans coagularetur et solidetur, et nullus fuerit conversionis partium metus. quem si citius solverimus, eveniunt ei languores nisi sano corpore sit natus. tunc etiam melioribus corporibus acceleranda est solutio, tardius vero debiliora solvuntur. —Gynaeciorum Sorani e graeco versorum et retractatorum quae exstant Caelii Aureliani [8]

L

  • Lilii radices multis modis florem suum nobilitant, contra serpentium ictus ex vino potae et contra fungorum venena. propter clavos pedum in vino decoquuntur triduoque non solvuntur. —Naturalis historia Plinii [9]

N

  • Namque et nunc quidem solvuntur et tum erant notiora cum dicerentur: aenigmata sunt tamen; non et cetera, si quis interpretetur, intellegas? —Institutio oratoria Quintiliani [10]
  • Ne illos quidem inter otiosos numeraverim, qui sella se et lectica huc et illuc ferunt et ad gestationum suarum, quasi deserere illas non liceat, horas occurrunt, quos quando lavari debeant, quando natare, quando cenare, alius admonet; usque eo nimio delicati animi languore solvuntur, ut per se scire non possint, an esuriant! —De brevitate vitae Senecae [11]
  • non umbrae altorum nemorum, non mollia possunt
prata movere animum, non qui per saxa volutus
purior electro campum petit amnis; at ima
solvuntur latera, atque oculos stupor urget inertis
ad terramque fluit devexo pondere cervix. —Georgicon libri IV P. Vergilii Maronis [12]
  • Nostri anginam vocant: apud Graecos nomen, prout species est. Interdum enim neque rubor neque tumor ullus apparet, sed corpus aridum est, vix spiritus trahitur, membra solvuntur: id συνάγχην vocant. —De Medicina Celsi [13]

Q

  • Quae sicco et calido concreta fiunt, alia sunt insolubilia, ut fictile et lapidum genera, quae fiunt combusta per ignem, ut molares; alia vero solvuntur humido, ut nitrum et sales. Crassantur ab igne solum quaecunque plus habent aquae quam terrae, concrescunt autem quaecunque plus terrae. Dubium autem facit natura olei; si enim eius natura est aquea, ipsum a frigido concrescere oportet, ut glacies; si autem terrestris plus, tunc debet concrescere ab igne, ut fictile. —Libri physicorum Aristotelis explanati Iordani Bruni [14]

S

  • sol et auget et conprimit flatus: auget exoriens, occidens, conprimit meridianus aestivis temporibus. itaque medio diei aut noctis plerumque sopiuntur, quia aut nimio frigore aut aestu solvuntur. —Naturalis historia Plinii [15]

T

  • tum vitulus bima curvans iam cornua fronte
quaeritur; huic geminae nares et spiritus oris
multa reluctanti obstruitur, plagisque perempto
tunsa per integram solvuntur viscera pellem.
sic positum in clauso linquunt et ramea costis
subiciunt fragmenta, thymum casiasque recentis. —Georgicon libri IV P. Vergilii Maronis [16]

U

  • Umerorum dolores, qui ad scapulas vel manus tendunt, vomitu atrae bilis solvuntur; et quisquis dolor deorsum tendit, sanabilior est. —De Medicina Celsi [17]
  • Unus igitur dubitationis solvendae modus hic est. Alius autem est: quoniam eadem dici possunt secundum potestatem et secundum actum. Hoc vero in aliis libris magis exquisite definitum est. Quare (ut diximus) dubitationes solvuntur, quibus coacti veteres tollunt nonnulla eorum quae dicta sunt. —Aristotelis Physica Bussemakeri [18]

Vide etiam

Fontes

  1. ↑ Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber 27, cap. 39, [61] — solvuntur
  2. ↑ 2.0 2.1 Franciscus Petrarca (Italice: Francesco Petrarca) - De remediis utriusque fortune. (Universitas Turicensis): Liber II. 52: De morte amici — solvuntur
  3. ↑ 3.0 3.1 Iordanus Brunus Nolanus (Italice: Giordano Bruno) - Libri physicorum Aristotelis explanati (Universitas Turicensis): Liber IV. Caput III. De concretione et liquefactione.  — solvuntur
  4. ↑ 4.0 4.1 Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber secundus, 7. p. [6] — solvuntur
  5. ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber septimus, 4. p. [3b] — solvuntur
  6. ↑ 6.0 6.1 Hildegardis Bingensis - Subtilitates diversarum naturarum creaturum. Patrologia Latina, J.-P. Migne. Parisiis 1882, Tomus CXCVII. (Universitas Turicensis): Liber primus. Cap. CXI. - De Reynfan. Pagina 1174A — solvuntur
  7. ↑ Hildegardis Bingensis - Subtilitates diversarum naturarum creaturum. Patrologia Latina, J.-P. Migne. Parisiis 1882, Tomus CXCVII. (Universitas Turicensis): Liber quartus. Cap. X. - De jaspide. Pagina 1257B — solvuntur
  8. ↑ 8.0 8.1 Caelius Aurelianus, Gynaeciorum Sorani e graeco versorum et retractatorum quae exstant (Gynaecia from a thirteenth century manuscript; ed. Miriam F. Drabkin et Israel E. Drabkin. - Baltimore : The J. Hopkins Press, 1951). Liber primus, caput 155 — solvuntur
  9. ↑ Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber 21, cap. 74, [126] — solvuntur
  10. ↑ 10.0 10.1 Marcus Fabius Quintilianus, Institutionis oratoriae libri XII. (Teubner, Lipsiae MDCCCLIV). Liber octavus, 6. p. 53 — solvuntur
  11. ↑ 11.0 11.1 Lucius Annaeus Seneca - De brevitate vitae. (The Latin Library):  12, versus 6 — solvuntur
  12. ↑ 12.0 12.1 Publius Vergilius Maro - Georgicon libri IV. (Bibliotheca Augustana): Liber III. Versus 523  — solvuntur
  13. ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber quartus, 7. p. [1] — solvuntur
  14. ↑ Iordanus Brunus Nolanus (Italice: Giordano Bruno) - Libri physicorum Aristotelis explanati (Universitas Turicensis): Liber IV. Caput III. De concretione et liquefactione.  — solvuntur
  15. ↑ 15.0 15.1 Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber secundus, cap. 48, [129] — solvuntur
  16. ↑ Publius Vergilius Maro - Georgicon libri IV. (Bibliotheca Augustana): Liber IV. Versus 302  — solvuntur
  17. ↑ Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber secundus, 8. p. [15] — solvuntur
  18. ↑ 18.0 18.1 Ulco Cats Bussemaker, Aristotelis Physica. Aristotelis Naturalis Auscultatio Libri VIII, Firmin Didot, Paris 1854. (Universitas Turicensis): Liber I, capitulum VIII, [8] — solvuntur
Receptum de "https://la.wikiquote.org/w/index.php?title=Solvuntur&oldid=13370"